Feeds:
Posts
Comments

Posts Tagged ‘balikatan clearing operations’

SA CLEARING OPERATIONS NG BALIKATAN, buhay at kabuhayan na ang nasasalanta ng kalamidad na dulot ng mapaminsalang mga operasyong militar ng 9th ID na ang layunin ay ma-secure umano ang mga eryang paglulunsaran ng US-RP Balikatan exercises sa Bikol.

Balikatan Clearing Operations sa Albay, pinaslang ang isang sanggol.

Sa tuluy-tuloy na clearing operations sa mga barangay ng Ligao City, napaslang ang isang taon at apat na buwang sanggol na si Rafaela Polborido noong Pebrero 18. Namatay ang sanggol dahil sa matinding tama ng shrapnel mula sa bombang pinasabog ng pasistang tropa ng 901st IB na pinamumunuan ng isang upisyal ng AFP na may nameplate na Flordeliza.

Ayon mismo sa mga Brgy Official ng Brgy Balanac, walang habas na nagpaputok ng baril at nagpalipad ng mga grenade launcher ang mga militar.

Walang crossfire na nangyari. Kapalpakan ng militar ang pagpasabog ng isang grenade launcher sa bahay ng mga sibilyan. Sugatan ang apat pang bata at ang ina ng sanggol na si Jocelyn Polborido. Nakisilong lamang ang mag-iina nang biglang sumabog ang bomba mula sa bubong ng bahay na kanilang tinutuluyan. Naging abo ang bahay na nasabugan ng bomba.

Naganap ang pasistang krimen na ito habang nagsasagawa ng clearing operations ang mga militar sa mga barangay na malapit sa  Brgy. Paulba, kung saan isasagawa ang  Medical Action Program (Medcap) ng Balikatan.

Sa Albay, isinasagawa ngayon ang malawakang clearing operations para sa Balikatan war exercises. Nakapwesto ang tropa ng 49th IB sa Brgy. San Francisco, Legazpi City. Ayon sa pahayag ni  Maj Gen Jeffrey Sodusta ng 9th ID, ito ang magsisibilbing security force para sa Balikatan.

Ang pinatinding operasyong militar sa Albay ay nagdudulot na ng dislokasyon sa mga komunidad. Hindi na rin makapagtrabaho nang normal ang mga magsasaka dahil sa takot sa mga nag-ooperasyong militar.

Militarisasyon sa mga kostal na barangay.

Takot at pangamba ang nadarama ng mga residente sa mga aktibidad ng Special Operations Team (SOT) ng 901st IB sa mga kostal na barangay ng Legazpi City. Nababahala ang mga residente sa pinapatupad na curfew at sa mga pagpapatawag ng Philippine Army sa mga Barangay Council. Pinipilit silang dumalo sa mga pulung-pulong kung saan nagsasalita ang Civic Military Operation (CMO) unit ng militar. Binabantaan sila ng mga militar, huwag daw lumahok sa anumang pagkilos laban sa  Balikatan. Nahaharap sa ganitong sitwasyon ang mahigit 50 barangay sa Legazpi City.

Sa bayan ng Sto Domingo, pinatawag din ng commanding officer ng 901st IB ang lahat ng Barangay Kapitan. Ginigipit ang mga residente ng Brgy Salvacion, Lidong at San Andres, na binabansagan ng militar na hotspots diumano at may presensya ng NPA. Nababahala din ang mga residente sa pagtatayo ng military detachment sa Brgy Salvacion.

Sa Tabaco City, nangangamba ang mga residente sa pagdagsa ng mga tropa ng militar mula noong Pebrero. Militarisado ang Brgy. Baranghawon, Bongabong, San Roque, Quinastillohan, Bantayan at Tabiguian.

Sa bayan ng Tiwi na halos lahat ng baranggay ay nasa kostal, pinipilit ang mga residente na dumalo sa mga pulung-pulong ng CMO unit ng militar para sa Balikatan. Pilit na ipinapatanggap sa mamamayan na humanitarian mission lang diumano ang aktibidad nito.

Malinaw na ang mga aktibidad ng SOT ay bahagi ng isang sistematikong kampanya sa psychological operations para ikubli ang tunay na pakay ng Balikatan, ang gera at ang pang-uupat ng gera.

Mantinido rin ang presensya ng mga tropa ng militar sa mga kostal na barangay ng Malinao, Malilipot, Bacacay at Manito, Albay. Nananalasa rin ang pinatinding operasyong militar sa mga kostal barangay na nakaharap sa Pacific ocean.

Nauna nang idineklara ni  Major Ramon Zagala, ang tagapagsalita ng Balikatan-09 na aabot sa 5,500 to 6,000 US troops ang lalahok sa war games na gaganapin sa Silangang bahagi ng Bikol.

Apektado na ang kabuhayan ng mga mangingisda. Dahil sa takot at pangamba sa presensya ng napakaraming militar sa tabing dagat, nililimita na ang pang-ekonomyang aktibidad ng mga mangingisda.

Dagdag pa, ang ipinapatupad na fishing ban ng BFAR. Kahit paulit-ulit na idinideklara ng tagapagsalita ng 901st IB na wala itong kaugnayan sa Balikatan, hindi nila itinatanggi na mayroong security measures sa mga pantalan na pagdadaungan ng mga US warship. Hindi pa man dumadaong ang mga barko ng tropang US, ramdam na ng mga mangingisda ang gutom at panganib.

Nararapat na harapin ng tapang at paglaban ang mas mabangis at mapaminsalang Balikatan clearing operations ng militar sa kanayunan at kalunsuran ng Bikol.

Ilantad at Labanan ang mga abusong militar ng 9th ID at US troops

Hustisya at bayad pinsala sa mga biktima ng Balikatan clearing operations!

Bikolanong makabayan, magkaisa at lumaban!

Read Full Post »

MGA BATA AT KABABAIHAN BIKTIMA NG CLEARING OPERATIONS NG 901ST BRIGADE NG AFP PARA SA BALIKATAN! ITIGIL ANG OPERASYONG MILITAR SA IKATLONG DISTRITO NG ALBAY LALO NA SA LUNGSOD NG LIGAO! PAPANAGUTIN ANG 901ST BRIGADE!

Kinokondena ng BICOLANA-GABRIELA sa pinakamataas na termino nito ang walang habas na pagbomba ng mga tropa ng 901st Brigade-PA sa dalawang bahay ng mga sibilyan sa Bgy. Balanac, Ligao City noong Pebrero 18 dakong alas-11:30 ng umaga, na nagresulta sa pagkamatay ng batang si Rafaela Polborido, 1 taon at 4 na buwan at malubhang pagkasugat ng 6 pang mga bata na nag-eedad mula 10 buwan hanggang 9 taong gulang at 3 pang kababaihang pawang mga ina ng mga bata at pagkasunog ng mga bahay kasabay ang mga gamit sa loob ng bahay.

Ang karanasang ito ng pamilyang Polborido at Dalima kasama ang buong komunidad ay nagdulot ng matinding takot at trauma lalo na sa mga bata. Nadisloka rin sila sa kanilang mga tahanan dahil sa pagkasunog dulot ng pambobomba. Maraming mga bata ang hindi na pumapasok sa eskwela at maging ang mga guro dahil sa matinding takot na mabiktima din ng karahasang militar.

Kinukundena din namin ang kalupitan, di-makatao at kabulukan ng kontra-insurhensyang gyera na inilulunsad ng rehimeng Arroyo laban sa mga mamamayan nito. Sinasalamin ng pangyayaring ito ang pagiging bayaran/swelduhan, utak pulbura at pasista ng kaisipang isinasaksak ng indoktrinisasyon at mga pagsasanay sa hanay ng ating mga kasundaluhan na tuwirang nakaayon sa disenyo ng pwersang militar ng Etados Unidos. Lalo pa itong napapasama sa pagkakaroon ng mga pinuno gaya ni Col. Ariel Bernardo na hindi marunong tumanggap ng pagkakasala sa mamamayan at ayaw umako ng buong responsabilidad sa mga nagawa ng kanyang mga tauhan sa 901st Brigade.

Ito ba ang pagsasakatuparan ng sinasabing “to serve and protect”? Dito ba napupunta ang malaking bahagi ng pera ng bayan na galing sa buwis na pinaghihirapang pagtrabahuhan ng mga mamamayan? Una sa lahat, dapat isaalang-alang at pangalagaan ng AFP ang buhay ng mga sibilyan lalo’t higit ang buhay ng mga bata at kababaihan na isinasaad sa Comprehensive Agreement on the Respect of Human Rights and International Humanitarian Law at maging sa International Convention on the Rights of the Child at International Declaration of Human Rights.

Ang pambobomba ay naganap habang nagsasagawa ang militar ng clearing operations para sa gaganaping BALIKATAN Exercise sa mga lugar ng Ligao City kasama ang mga bayan ng Libon, Pio Duran, Guinobatan at Camalig, Albay. Ngayon pa nga lamang na naghahanda para sa isasagawang joint military exercise ay nakakagawa na ang AFP ng mga paglabag sa karapatan ng mga sibilyan, lalo’t higit sa mga bata at kababaihan, paano pa kaya kapag nagsimula na ang BALIKATAN?

Sa ganitong mga karumal-dumal na pangyayayari, hinahamon namin ang pamunuan ng AFP sa rehiyon at sa buong bansa na papanagutin ang mga may sala sa 901st BRIGADE, Phil. Army kasama ang mga opisyal na nag-utos ng pambobomba at operasyong militar sa lugar. Kagyat ding itigil ang operasyong militar sa ikatlong distrito ng Albay lalo na sa lungsod ng Ligao at huwag ituloy ang gagawing joint military exercises sa mga probinsya ng Albay, Masbate at Sorsogon.

Nananawagan din kami sa mga mamamayan lalo sa Ligao City na maging matapang at mapagmatyag  para ilantad at labanan ang mga pandarahas at paglabag sa ating mga karapatang pantao lalo ng mga bata at kababaihan na kagagawan ng AFP.

PANGALAN NG MGA NAGING BIKTIMA NG PAMBOBOMBA NG 901ST BRIGADE:

Namatay    –    RAFAELA POLBORIDO, 1 taon at 4 na buwan (namatay sa BRTTH noong  February 19, 2009, 12 midnnight, dahil sa tama ng sharpnel sa may  bahagi ng batok.

Mga may tama ng sharpnel sa iba’t-ibang parte ng katawan:

* JOCELYN POLBORIDO, 30 yo

* INA POLBORIDO, 5 yo anak ni Jocelyn

* DAISY POLBORIDO, 4 yo anak ni Jocelyn

* EUFEMIA POLBORIDO, 28 yo

*  ANDREA, 4 yo, anak ng kapatid ng asawa ni Jocelyn

* ROSE DALIMA, 31 yo

* RODERICK DALIMA, 5 yo anak ni Rose

* MARY ROSE DALIMA, 10 mos, anak ni Rose

* EMERSON, 9 yo anak ni Rose

Read Full Post »

The Bikolano Alliance for Nationalism against Balikatan (BAN BALIKATAN) and KARAPATAN-Bikol condemned the killing of a 1 year old child in the Balikatan clearing operations conducted by elements of the 901st Infantry Brigade in Purok 5, Brgy Balanac, Ligao City, Albay.

According to Prof. Jocelyn Bisuña, spokesperson of BAN BALIKATAN, “This is unforgivable! A child is now gone because the Armed Forces of the Philippines (AFP) is targeting Filipino citizens just to please their US foreign master,”

“Rafaela Polborido, 1year and 4 months old, died at midnight of February 19 when she succumbed to the wounds she sustained, when soldiers shot and fired grenade launchers on their house. This is part of the continuing harassment and the violation of Bicolanos’ rights by the military. Recently they also harassed drivers and people in Guinobatan and Jovellar in the same province threatening them against joining the anti-Visiting Forces Agreement (VFA) caravan,” said Bisuña.

Meanwhile John Concepcion, spokesperson of KARAPTAN-Bikol said, “not only was Rafaela killed her whole family and others were injured as well, Jocelyn Polborido 30 years old, Ina Polborido 5 years old, Daisy Polborido, 4 years old, Eufemia Polborido, 28 years old, Julius Polborido, 2 years old, Andrea, 4 years old, Rose Dalima 31 years old, Roderick Dalima 5 years old, Mary Rose Dalima, 10 months old and Emerson, 9 years old. We are now assisting the families in whatever action they may take to hold the soldiers accountable,”

“We hope that this is the last, but if the Balikatan continues then we fear that more cases like these may happen,” added Concepcion.

“This is the military’s way to intimidate the Bicolano people into agreeing to the Balikatan exercises, but we will not be cowed. The anti-VFA caravan will continue and we will further intensify our struggle against foreign intervention and to junk the VFA and Balikatan,” ended Bisuña.

Read Full Post »